Fantastiske kveldar og netter på Sunnmøre for tida. Sist helg tok 40 elevar turen opp til Eikenosen for å kome unna gatelysa og få ei oppleving for livet.

Her i mørkenatta spela sjølve himmelen opp med ei oppvisning som langt overgår det entertainarar kan gjere og som astronomar berre kan forklare. Aurora polaris kjem av elektrisk lada partiklar som vert slengt mot jorda når solvinden er kraftigare enn vanleg og som kolliderer med gassar i jordatmosfæra. Polarlyset lyser opp mellom 90 og 180 km over bakken og er godt synleg på våre kantar kveldar som denne.