Denne gongen stod slaget om Slogen. Neste gong ein heilt annan stad.

Med Johnny (S)logen og optimistiske vermeldingar på høgtalaren dampa vi opp Habostaddalen, inntok Patchellhytta, dreiv skodda tilbake og strekte hendene i véret 1564 meter over havet med loddrett utsikt nedover til alle kantar.

Det er ubeskriveleg å oppleve dei som verkeleg kjempa med høgdeskrekk, mjølkesyre og liten sjøltillit som fjellovervinnarar. Det lyste siger i mange auge. Og utruleg deileg å kome ned til karbis og lassevis med pastasaus.