Og dette året stråla sola over oss kvar dag. Einaste skikkelege regnbyga kom medan vi hadde gudsteneste innandørs i Eysteinskyrkja.

Ganske imponerande å sjå over 100 i lang rekke på veg over Dovrefjell. Midt på dagen stansa vi og heldt bøn. Ein gong i stor ring, ein dag i pilegrimskyrkja og så på eit nedlagd småbruk midt på Vårstigen.

Folkehøgskulen Rødde tok imot oss og gav oss husly siste natta. Elles sov vi utandørs. Og tradisjonen tru la det kvite frost-rimet seg på telta og lavvoane på Grønbakken. Folk bli vaksne av slike erfaringar.

Og når Nidarosdomen tok imot oss for fulle klokker idet vi vandra inn over vestfront-plassen, var også stemninga på topp. Det gjekk i "Deilig er jorden" rundt domen. Og gudstenesta i Kapitelhusets kapell vart ei verdig avslutning på ein verdig tur.