Så er det over. Somme lengtar allereie tilbake til gode gamle Borg, eller i alle fall til alle folka der. Lærarane og stippane fekk tårene fram då dei rulla ut dette banneret frå galleriet under "døren låses, porten lukkes"-songen. Og kanskje det var meininga?
Men det er heilt sant det som står skrive.

- Og så er det berre knapt 8 mnd til fjorårs-treffet!

Så glad kan ein hedmarking bli når USA-klassa slår alle. Dei hadde storsigrar bak seg, 10-0 og deromkring. Men til sist vann dei også over personalet i finalen.
No er dei Borg-meistrar i fotball, også.

Ingen klagar på utsikta på fugleøya Runde. Somme klagar på veret, men ikkje idag. Med grill, varme kle og sitjeunderlag vart det både trivsel og fuglelliv.

Aldri har så mange blitt så våte i så ugjestmilde snøbyger for å hjelpe så mykje!

Bak ryggen på fiskarkjerringa på Kiperviktorget hang einaste banneret som overlevde. Medan trafikken stod stille og venta på brøytebil på Ørskog-fjellet, bølgjene gjekk høgt på Borgundfjorden og snøbygene piska mellom Jugendstil-husa, gjennomførte Borg-elevane det årlege sponsorløpet til inntekt for CHRISC-prosjektet i Kenya som om ingenting ekstra stod på. Kven skulle trudd at suraste, sintaste, våtaste og villaste laurdagen sidan jul skulle kome akkurat idag!

Det er tid for avslutningar. Seminar og grupper, gjengar og klasser skal avsluttast. Det tek tid og skal gjerast skikkeleg. Idag starta USA-klassa nedtrappinga mot avslutninga. Vi nytta vårsola og drog til Emblemsanden med ein skrukkete grill, kubbespel, ballar, brus og burgerar.

Ein fin gjeng når dei smiler i sola. Sjøl grill-sherpaene var i rimeleg bra humør.

... tok de seg både ei brødskive og litt søtt. For det var Sukkertoppen dei hadde bestige.

Chillan-seminaret gjorde ein av dei vakrare og trivelegaste turane i nærmiljøet. Det andre byfjellet som omgir Ålesund, ligg der som Sukkertoppen med Kristusstatua i Rio. I deilig vårsol med kvitveis i bakkane og utsikt til både Sunnmørsalpane og skjærgården ved Runde.

Ikkje rart dei er glade: